माणगाव :- (नरेश पाटील) : शहरात सध्या एक अनोखा आणि आश्चर्यकारक अनुभव लाभार्थ्यांना येत आहे. सरकारी रास्त भाव दुकानांमधून एकाचवेळी तीन महिन्यांचे रेशन वितरण सुरू झाल्याने सर्वत्र आनंदाचे वातावरण निर्माण झाले आहे. अचानक मिळालेल्या या तिहेरी रेशनमुळे लाभार्थ्यांमध्ये समाधानासोबतच कुतूहलही वाढले असून, हा निर्णय नेमका कशामुळे घेतला गेला याबाबत विविध चर्चांना उधाण आले आहे...
सरकारी रास्त भाव दुकानांमध्ये लाभार्थ्यांना एकाचवेळी तीन महिन्यांचे रेशन देण्याचा अनपेक्षित निर्णय घेतल्याने सर्वत्र आश्चर्य आणि आनंदाचे वातावरण निर्माण झाले आहे. एप्रिल महिन्यासह मे आणि जून 2026 या पुढील दोन महिन्यांचे रेशनही आगाऊ देण्यात आल्याने लाभार्थ्यांमध्ये उत्सुकता आणि चर्चा रंगल्या आहेत...
नेहमीप्रमाणे एक महिन्याचे रेशन घेण्यासाठी आलेल्या लाभार्थ्यांना अचानक तीनपट रेशन मिळाल्याने सुरुवातीला गोंधळ निर्माण झाला. अनेकजण एक महिन्याच्या रेशनसाठी छोटे पिशव्या घेऊन आले होते. मात्र अतिरिक्त रेशन मिळाल्याने त्यांना पुन्हा घरी जाऊन मोठ्या पिशव्या आणाव्या लागल्या किंवा कुटुंबातील इतर सदस्यांची मदत घ्यावी लागली...
या बदलाचा परिणाम गावभर दिसून आला. लहान पिशव्यांच्या ऐवजी मोठी पोती, सायकल, हातगाड्या, दुचाकी आणि ऑटो रिक्षांचा वापर वाढल्याचे चित्र पाहायला मिळाले... काहीजणांनी डोक्यावर किंवा खांद्यावर पोती वाहून नेली, तर काहींनी वाहतुकीची सोय केली. ही बातमी वाऱ्यासारखी पसरली आणि फेअर प्राईस दुकानांवर मोठ्या प्रमाणात गर्दी झाली... चौथ्या दिवशीही वितरण सुरळीत सुरू असल्याचे दिसून आले...
या निर्णयामुळे लाभार्थ्यांमध्ये समाधान आणि आनंद निर्माण झाला असून, दर महिन्याला दुकानात येण्याऐवजी दोन फेऱ्या वाचल्याने दिलासा मिळाल्याची भावना व्यक्त होत आहे... मात्र, तीन महिन्यांचे रेशन एकाचवेळी का देण्यात आले, याबाबत विविध चर्चा सुरू होत्या... काहींनी अतिरिक्त साठा असल्याचे सांगितले, तर काहींनी उन्हाळ्याच्या तीव्र तापमानाचा (३८ ते ४४ अंश सेल्सिअस) विचार करून निर्णय घेतला असावा, असे मत व्यक्त केले... तर काहींनी पावसाळ्याच्या पार्श्वभूमीवर हा निर्णय घेतल्याचे सांगितले तर काही लाभार्थी यांना मात्र शेवट पर्यंत उत्तर मिळु शकले नाही..
याबाबत अधिकृत माहिती घेण्यासाठी संबंधित तालुका शासन पुरवठा विभागातील अधिकारी राहुल शितोळे यांच्याशी संपर्क साधला असता, त्यांनी सांगितले की हा निर्णय शासनाने मागील महिन्यात घेतला आहे... गेल्या महिना व अध्याप सुरू असलेल्या युद्धपरिस्थितीमुळे आणि इंधन पुरवठ्यात अडचणी निर्माण होऊ नयेत, यासाठी लाभार्थ्यांना कोणताही त्रास होऊ नये, या उद्देशाने तीन महिन्यांचे रेशन आगाऊ देण्यात आले आहे...
तसेच, पुढील रेशन वितरण आता जुलै 2026 महिन्यात करण्यात येणार असल्याचे त्यांनी स्पष्ट केले. त्यांनी पुढे सांगितले की सुमारे 80% लाभार्थ्यांनी KYC प्रक्रिया पूर्ण केली आहे, तर उर्वरित लाभार्थ्यांनी लवकरात लवकर KYC पूर्ण करून रेशनचा लाभ घ्यावा, असे आवाहनही त्यांनी केले...शासनाची भूमिका सर्व पात्र लाभार्थ्यांना सुविधा मिळाव्यात, अशी असल्याचे त्यांनी अधोरेखित केले...
एकंदरीत, या निर्णयामुळे लाभार्थ्यांना मोठा दिलासा मिळाला असून अन्नसुरक्षेची हमी मिळाली आहे... शासनाच्या या निर्णयामुळे लोकांमध्ये विश्वास आणि समाधानाची भावना अधिक दृढ झाली आहे. माणगाव शहरातील खांदाड परिसरातही रेशन वितरण करण्यात आल्याचे दिसून आले...
समारोप: तीन महिन्यांचे रेशन एकाचवेळी देण्याच्या या निर्णयाने लाभार्थ्यांच्या चेहऱ्यावर समाधानाची स्मितरेषा उमटली आहे... वारंवार फेऱ्या टाळून वेळ आणि श्रम वाचल्याने हा निर्णय लोकांच्या दृष्टीने दिलासादायक ठरला आहे... शासनाच्या या पुढाकारामुळे भविष्यातही अशाच प्रकारे जनहिताचे निर्णय घेतले जातील, अशी अपेक्षा नागरिकांकडून व्यक्त होत आहे...
