हरवलेला मोबाईल प्रामाणिकपणे परत देणाऱ्या कंडक्टर शंकर भानुदा शिरसाट यांचा खेड एस.टी. डेपो प्रशासनामार्फत सन्मान व प्रशस्तिपत्र देऊन गौरव
रायगड :– (नरेश पाटील)
मोबाईल हरवणे ही गोष्ट आजच्या काळात काही नवीन नाही. पण नुकत्याच घडलेल्या घटनेत एका प्रामाणिक सरकारी बस कंडक्टरने दाखवलेल्या सतर्कतेमुळे व जबाबदार वृत्तीमुळे एक महागडा मोबाईल त्याच्या खऱ्या मालकापर्यंत सुखरूप पोहोचला. ही घटना केवळ हरवलेला मोबाईल परत मिळाल्याची नाही, तर प्रामाणिकतेचं जिवंत उदाहरण ठरली आहे...
ही घटना दि. ३० ऑक्टोबर २०२५ रोजी राज्य परिवहन महामंडळाच्या बसमध्ये घडली. संबंधित बस क्रमांक एम. एच. २० बी. एल. १७२० ही रत्नागिरी वाहक विभाग अंतर्गत असलेल्या खेड एसटी आगारातील खेड–चिंचवड मार्गावर प्रवास करत होती. बसचे चालक ए. यू. पोळ (क्रमांक १५०९९) तर वाहक एस. बी. शिरसाट (क्रमांक ११०२५९) होते...
प्रवासादरम्यान मुळशी येथे दोन प्रवासी बसमध्ये सोबत चढले आणि पाऊड येथे उतरले... यातील एक प्रवाशी अनवधानाने आपला मोबाईल व पर्स मागच्या सीटखाली विसरला... बस पुढे निघून गेल्यानंतर काही वेळाने त्यांना वस्तू हरवल्याची जाणीव झाली, परंतु तोपर्यंत बस बर्याच अंतरावर गेली होती...
दरम्यान, बसमध्ये कंडक्टरच्या कानावर सतत वाजणाऱ्या मोबाईलच्या रिंगचा आवाज येत होता. आश्चर्य म्हणजे, ज्या प्रवाशाकडे तो मोबाईल होता, तो सतत वाजणारा फोन उचलत नव्हता... त्यामुळे कंडक्टरला शंका आली आणि त्याने त्या प्रवाशाला विचारले, “फोन का उचलत नाहीत?” मात्र त्या प्रवाशाने कोणतंही स्पष्ट उत्तर दिलं नाही...
कंडक्टरने मोबाईल स्वतःकडे घेत तपासणी केली असता, त्या मोबाईलवर २५ पेक्षा अधिक मिस्ड कॉल्स आल्याचे दिसून आले... त्यामुळे मोबाईल त्या प्रवाशाचा नसावा असा संशय अधिकच बळावला... काही क्षणांनी पुन्हा एक कॉल आला — २६ वा कॉल — तेव्हा कंडक्टरने स्वतः तो कॉल रिसीव्ह केला... समोरून मोबाईलचा खरा मालक बोलत होता... त्याला कंडक्टरने शांतपणे समजावून सांगितले की, “आपला मोबाईल सुरक्षित आहे, कृपया पुढील एस.टी. बसस्थानकावर येऊन घ्या...”
दरम्यान, बसमधील आसनाखाली तपासणी करताना कंडक्टरला एक पर्स देखील सापडली... त्यामुळे संपूर्ण प्रकार स्पष्ट झाला... बस ठरलेल्या स्थानकावर पोहोचल्यावर मोबाईल व पर्सचा मालक ओळखपत्रासह चिंचवड एसटी स्टॅन्ड येते उपस्थित झाला... स्थानक प्रमुख भोसले साहेब तसेच सुरक्षा रक्षक ए. एस. भोसले यांच्या उपस्थितीत मोबाईल व पर्स सुपूर्द करण्यात आले... ही सुपूर्दगी सायं. ५.३० वाजता (१७.३०) करण्यात आली...
मोबाईल मिळाल्यानंतर आनंदित झालेल्या प्रवाशाने कंडक्टरचे मनःपूर्वक आभार मानले व त्याच्या प्रामाणिकपणाचे भरभरून कौतुक केले... त्याच्या चेहऱ्यावर समाधान आणि दिलासा स्पष्ट दिसत होता...
विशेष म्हणजे, याच कंडक्टरने काही वर्षांपूर्वीही अशीच घटना अनुभवली होती.... मुंबई–गोवा महामार्गावरील शिवशाही वातानुकूलित बसमध्ये एका प्रवाशाचा मोबाईल हरवला होता... तो प्रवासी मुंबईत उतरून गेला होता, पण काही तासांनंतर तो मोबाईल बसच्या दरवाज्याजवळ सापडला.. महामार्गावरील खड्यांमुळे तो मोबाईल हळूहळू पुढे सरकत बसच्या पुढील बाजूस पोहोचल्याचे तेव्हा निदर्शनास आले होते...
या दोन्ही घटनांमधून एकच गोष्ट स्पष्ट होते — प्रामाणिकपणा, सतर्कता आणि कर्तव्यनिष्ठा आजही आपल्या सार्वजनिक वाहतूक व्यवस्थेत जिवंत आहे...
दरम्यान, या ताज्या घटनेची दखल घेऊन खेड एस.टी. डेपो (रत्नागिरी विभाग) प्रशासनाने कंडक्टर शंकर भानुदा शिरसाट यांचा विशेष सत्कार शुक्रवारी दि. 31 ऑक्टोबर, 2025 रोजी सकाळी 11 च्या सुमारास सत्कार करण्यात आला. हरवलेला स्मार्टफोन परत देण्याच्या त्यांच्या प्रामाणिक कृत्याबद्दल त्यांना सन्मानचिन्ह व प्रशस्तिपत्र देण्यात आले...
याहून विशेष म्हणजे, शिरसाट यांनी आतापर्यंत अशी चारवेळा हरवलेले मोबाईल सापडल्यावर ते त्यांच्या मालकांना परत दिले आहेत... त्यांच्या या अनुकरणीय कार्यामुळे एस.टी. कर्मचारीवर्गात आणि प्रवाशांमध्ये अभिमानाची भावना व्यक्त होत आहे...
या सत्कार सोहळ्याच्या स्थानक प्रमुख सौ. स्मिता पाटील मॅडम, लिपिक टंकलेखक राजेश्वर डोईवड सर, वाहतूक नियंत्रक श्रीमती. हर्षदा कदम मॅडम व रोहित गमरे आवर्जून उपस्थित होते... दरम्यानाचा काळात या सर्व अधिकारी व सहकाऱ्यांनी कंडक्टर शिरसाट यांच्या प्रामाणिकतेचे मनःपूर्वक कौतुक करत म्हटलं,“एस.टी. परिवारातील खरे माणुसकीचे दूत म्हणजे शिरसाट भाऊ!"...