वडाला बांधलेल्या धाग्यात अडकला कबुतराचा पाय
कांतीलाल पाटील : महाराष्ट्र वेदभूमी वृत्तपत्र सेवा
नवीन पनवेल- : दि.११ : नवीन पनवेल येथील सेक्टर -०५ मध्ये मोहटादेवी मंदिर परिसरात वटपौर्णिमेच्या निमित्ताने वडाच्या झाडाला बांधलेल्या धाग्यात एका कबुतराचा पाय अडकून तो हालहाल करत होता... ही दुर्दशा पक्षीप्रेमी दिलीप कोकाटे यांच्या लक्षात येताच त्यांनी तात्काळ त्या ठिकाणी जाऊन तिथे असलेल्या पुष्पा आवटे यांना सोबत घेऊन धागा सोडवला आणि त्या कबुतराला जीवदान दिले...
दिलीप कोकाटे यांनी संयम, काळजी आणि माया दाखवत कबुतराला सुरक्षितरीत्या मुक्त केले. नागरिकांनी त्यांच्या या कृत्याचे कौतुक केले असून, धार्मिक कार्य करताना निसर्ग आणि प्राणिमात्रांची काळजी घेण्याचे महत्त्वही या घटनेतून अधोरेखित झाले आहे. त्यांच्या या कार्याला महाराष्ट्र वेदभूमी परिवाराकडून सलाम !
