पुगाव - खांब (नंदकुमार कळमकर) रोहा तालुक्यातील कांदळे गावाचे पोलीस पाटील मनोहर तुकाराम मोते यांची कन्या कु समृद्धी मनोहर मोते हीने महाराष्ट्र राज्यस्तरीय अविष्कार संशोधन स्पर्धेत मुंबई युनिव्हर्सिटी मधून तीन नंबर येऊन कांस्य पदकाची मानकरी ठरली... समृद्धी मोते ही कांदळे गावाची रहिवाशी असुन ती पुई कोलाड येथे वास्तव्याला आहे तसेच ती नागोठणे येथील को ए सो च्या आनंदीबाई प्रधान महाविद्यालयाची विद्यार्थीनी असुन ती तृतीय वर्ष बी एस सी या वर्गात शिकत आहे.तिने महाराष्ट्र राज्यस्तरीय अविष्कार संशोधन स्पर्धेत कांस्य पदक पटकावून आपल्या महाविद्यालयाच्या नावलौकिकामध्ये भर टाकली आहे..
समृद्धी मोते हिला डॉ बाबा साहेब आंबेडकर तंत्रशास्त्र विदयापीठ लोणेरे माणगाव येथे पार पडलेल्या १७ व्या महाराष्ट्र राज्य अंतर्विद्यापीठीय अविष्कार संशोधन स्पर्धे निमित्ताने रायगड झोन मधुन मुंबई विद्यापीठाचे प्रतिनिधित्त्व करण्याची संधी मिळाली तिने पर्यावरण पूरक औषधी वनस्पती पासून तयार केलेली पावडर प्लास्टर ऑफ पॅरिसला पर्याय होऊ शकते यावर संशोधन केले आहे.अतिशय दुर्गम भागातील मुलगी ही संपुर्ण महाराष्ट्रातुन पहिल्या तीन मध्ये येणे हि फार मोठी कौतुकास्पद बाब आहे. परंतु एवढी मोठी गरुड झेप मध्यम वर्गीय समृद्धी मोतेने घेतली असुन तीचे या यशाबद्दल विविध स्थरावरून अभिनंदन करण्यात येत आहे...