नवीन शेवा उरण २१ सप्टेंबर (अजय शिवकर) : महाराष्ट्रातील सर्वात मोठा सण म्हणजे गणेशोत्सव , मोठ्या हर्षोत्सवाने सर्वत्र साजरा केला जातो , भाद्रपद महिन्याच्या शुक्ल पक्षातील चतुर्थीला काही घरात तर काही ठिकाणी सार्वजनिक उत्सव साजरा केला जातो... दीड दिवसापासून ५/१० व २१ दिवसापर्यंत गणपती मांडले जातात... भाद्रपद महिन्यातील कृष्ण पक्षाच्या चतुर्थीला सुद्धा खूप ठिकाणी गणपतीचे आगमन होते त्या गणपतींना विघ्नहर्ता संकष्टी चतुर्थीचे गणपती म्हणजेच साखर चौथीचे गणपती असे म्हणतात... हे बहुदा अडीच दिवसाचे असतात...गेल्या १३ वर्षापासून ग्रामस्थ उत्कर्ष मंडळ सार्वजनिक गणेशोत्सव मंडळाचा नवीन शेव्याचा राजा हा उरण मधील गणेश भक्तांसाठी विशेष आकर्षण म्हणून ओळखला जातोय...सामाजिक एकी आणि शांततेसाठी नवीन शेवा गावात ग्रामस्थ उत्कर्ष मंडळाने २०१२ पासून या सार्वजनिक गणेशोत्सवाला सुरुवात केली...
