कोलाड (श्याम लोखंडे )
रायगड जिल्ह्यात तसेच रोहा तालुक्यातील खांब विभागातील ऐतिहासिक शिवकालीन आसलेल्या सुरगड किल्ल्यावर स्थानिक सुरगड संस्थेची गड संवर्धन मोहीम राबवण्यात आली. रविवारी ७ एप्रिल २०२४ रोजी स्थानिक सुरगड संवर्धन संस्थेची एकोंत्तीसावी मोहिम यशस्वी संपन्न झाली...
सदर मोहिमेमधे उत्तर बुरूजाकडील गाळमुक्त केलेल्या टाकीतील मोठे दगड, चिरे काढण्याचे काम करण्यात आले... ते काम पुर्ण झाल्यानंतर सुरगडाच्या शिलेदारांनी बालेकिल्यातील पाण्याचं टाकं साफ करण्यास सुरूवात केली. हे टाकं १७ फुट लांब तर ९ फुट रूंद आहे.त्यातील सव्वादोन फुटापासुन तब्बल ६ फुटा पर्यंत एका कोपऱ्यातील चिखल गाळ, दगड गोठे काढण्यात शिलेदारांना यश आलं आहे. या टाकीच्या गाळामधेे आज एक मोठा तळखडा सापडला. सदरील तळखडा टाकीच्या बाजूलाच वर उभा करून ठेवण्यात शिलेदार यशस्वी झाले आहेत...
बाहेर उष्णतेचा पारा भयानक चढला असताना अंगाची लाही लाही होत आहे परंतु भर उष्णतेचा मोठा वाढता प्रमाण असून देखिल छत्रपती शिवरायांच्या गडकोटांच्या अविरत संवर्धनाचा ध्यास घेतलेले स्थानिक सुरगड संवर्धन संस्थेचे शिलेदार आठवड्यातील सुट्टीचा एक दिवस गड संवर्धनाची मोहिम हाती घेऊन गडाचे संवर्धन करण्यासाठी, गडाची स्वच्छता राखण्यासाठी तत्परतेने कार्य करताना दिसत आहेत. संपुर्ण खांब पंचक्रोशीतून या सुरगडाच्या शिलेदारांचे कौतूक होत आहे...
गडावरील मोहीम अविरतपणे यशस्वीपणे पार पाडत असतात ही मोहीम यशस्वी करण्यासाठी या मोहिमे मधे मयुर कापसे,किशोर सावरकर ,ललित जाधव ,योगेश गुजर ,केतन शिंदे ,सिद्धेश शेलार ,अथर्व कापसे, रोशन जाधव ,साहील जाधव ,विशाल पवार ,सुरज भिसे आदीं उपस्थित सर्व शिलेदारांनी ही मोहिम यशस्वीरीत्या पार पुर्णत्वास नेली...
