मुंबई प्रतिनीधी:(सतिश वि.पाटील)
माजी पंतप्रधान एच. डी. देवेगौडा यांचा नातू प्रज्वल रेवण्णा दोषी, बलात्कार प्रकरणात दोषी सिद्ध
माजी खासदार प्रज्वल रेवण्णा यांच्याविरुद्धच्या अश्लील व्हिडिओ आणि अत्याचार प्रकरणाचा निकाल आज जाहीर झाला आहे. १४ महिन्यांपासून न्यायालयीन कोठडीत असलेल्या प्रज्वल रेवण्णा यांचे भविष्य या निकालावर अवलंबून आहे...
बंगळुरू: अश्लील व्हिडिओ आणि अत्याचार प्रकरणी माजी खासदार प्रज्वल रेवण्णा यांच्याविरुद्धचा निकाल जाहीर झाला आहे... घरकाम करणाऱ्या महिलेवरील अत्याचार प्रकरणी जनप्रतिनिधींच्या न्यायालयाने त्यांना दोषी ठरवले आहे... शिक्षेची घोषणा उद्या शनिवारी करण्यात येईल, असे न्यायालयाने म्हटले आहे... निकाल जाहीर होताच प्रज्वल रेवण्णा यांनी न्यायालयातच अश्रू ढाळले. सुनावणीच्या पार्श्वभूमीवर पोलिसांनी प्रज्वल रेवण्णा यांना न्यायालयात हजर केले....
जनप्रतिनिधींच्या विशेष न्यायालयाचे न्यायाधीश संतोष गजानन भट यांनी २६ साक्षीदारांची साक्ष नोंदवल्यानंतर आज निकाल दिला... आता वडील, माजी मंत्री एच. डी. रेवण्णा यांच्यासह कुटुंबातील सर्व सदस्य प्रज्वल यांच्या भविष्याबाबत चिंतेत आहेत... हे प्रकरण केवळ न्यायालयीन पातळीवरच नव्हे तर राज्याच्या राजकीय पातळीवरही मोठी चर्चा निर्माण करणारे झाले आहे...
१४ महिन्यांपासून तुरुंगवास
प्रज्वल रेवण्णा २०२३ च्या मे महिन्यापासून पॅराप्पाना अग्रहाराच्या केंद्रीय कारागृहात न्यायालयीन कोठडीत आहेत... गेल्या १४ महिन्यांपासून ते न्यायालयीन कोठडीत आहेत आणि आज न्यायालयाने निकाल दिला आहे... प्रज्वल रेवण्णा यांच्यावर लैंगिक अत्याचाराशी संबंधित एकूण चार प्रकरणे असून त्यापैकी आणखी तीन प्रकरणे प्रलंबित आहेत... त्यामुळे त्यांची तात्काळ सुटका होण्याची शक्यता कमी असल्याचे सांगितले जात आहे...
प्रज्वल रेवण्णा यांच्यावरील आरोपांची यादी
प्रज्वल रेवण्णा यांच्यावर भारतीय दंड संहितेच्या (IPC) अनेक कलमांखाली गुन्हे दाखल असून, गंभीर आरोप करण्यात आले आहेत... त्यापैकी प्रमुख म्हणजे:
IPC कलम ३७६ (२)(k): अधिकाराच्या पदावर असताना महिलेवर अत्याचार.
IPC कलम ३७६ (२)(n): वारंवार अत्याचार केल्याचा आरोप.
कलम ३५४(A): लैंगिक मागणी करणे.
कलम ३५४(B): महिलेला जबरदस्तीने विवस्त्र करणे.
कलम ३५४(C): अश्लील दृश्ये चित्रित करणे.
कलम ५०६: जीवे मारण्याची धमकी.
कलम २०१: पुरावे नष्ट करणे
लोकसभा निवडणुकीदरम्यान, प्रज्वल रेवण्णा यांच्याशी संबंधित असल्याचे म्हटले जाणारे १५ हजारांहून अधिक अश्लील फोटो आणि व्हिडिओ पेन ड्राइव्हमध्ये सार्वजनिकरित्या वितरित करण्यात आले होते आणि राज्यात मोठा गदारोळ झाला होता... यामुळे अनेक महिलांचा लैंगिक छळ झाल्याचे गंभीर आरोप समोर आले...
संबंधित महिलेची तक्रार
घटना उघडकीस आल्यानंतर, राज्य सरकारने चौकशी सुरू केली आणि पीडित महिलांना सुरक्षा आणि न्यायाची हमी दिली... या हमीच्या पार्श्वभूमीवर होळे नरसीपूर पोलीस ठाण्यात अत्याचार प्रकरण दाखल करण्यात आले...
आरोप झाल्यानंतर परदेशात पलायन केले.
प्रज्वल रेवण्णा यांच्याविरुद्ध तक्रार दाखल होताच ते परदेशात पळून गेले... त्यांच्याविरुद्ध लुकआउट नोटीस जारी करण्यात आली आणि नंतरच्या दिवसांत त्यांना भारतात परत येण्यास भाग पाडण्याची प्रक्रिया सुरू झाली...विशेष म्हणजे प्रज्वल रेवण्णा हे हासन लोकसभा मतदारसंघाचे विद्यमान खासदार आहेत... तसंच, २०२४ च्या लोकसभा निवडणुकीत जेडीएस-भाजप युतीचे उमेदवार आहेत... २६ एप्रिल रोजी त्यांचं भवितव्य मतपेटीत बंद झालं आहे... लोकसभा निवडणुकीत मित्र पक्ष म्हणून प्रचारात करण्यासाठी गेले होते त्याच वेळेस विरोधी पक्षांनी ट्रोल केले होते गंभीर गुन्हे दाखल असलेल्या व्यक्तीचा प्रचार कसा केला कारण गुन्हे अनेक वर्ष आधीपासूनच होते...मग मित्र पक्षाला माहीत नसणे ही चिंताजनक गोष्ट होती....बराच काळ देशाबाहेर असल्याने प्रकरण मिटेल अशी दाट संशय होता...पण एक ना अनेक तक्रारदारांच्या पाठपुराव्यांना यश आले अखेर अटक करून न्यायालयात जन्मठेपेची शिक्षा ठोठावण्यात आली...माजी पंतप्रधान एच. डी. देवेगौडा यांचा नातू प्रज्वल रेवण्णा दोषी, बलात्कार प्रकरणात दोष सिद्ध..
