प्रतिनिधी :- सत्यप्रसाद आडाव चणेरा
रोहा तालुक्यातील रायगड जिल्हा परिषद प्राथमिक मराठी शाळेत दिपक फाऊंडेशन प्रकल्पांअर्गत पर्यावरण जागरुकता कार्यशाळा घेण्यात आली. यावेळी मुरुड गटातील साळाव, मराठी शाळेतील उपक्रमशील शिक्षिका रेश्मा धुमाळ यांनी विद्यार्थ्यांना पर्यावरण जागरुकता बाबत मार्गदर्शन करताना पर्यावरण म्हणजे काय? पर्यावरणाचे घटक, पर्यावरणाचे प्रदूषण, प्रदूषणावर उपाय योजना इत्यादी बाबत सविस्तर माहिती दिली...
बेस्ट फॉर वेस्ट यामध्ये रिकाम्या बाॅटलपासून पेनस्टॅंड व फुलदाणी तयार करणे व प्लास्टिक स्टीक डब्यापासून कटलरी स्टॅंड तयार करणे हे पर्यावरण पुरक उपक्रम घेण्यात आले. या कार्यशाळेत इयत्ता पहिली ते सातवीच्या १०० विद्यार्थ्यांनी उत्स्फूर्तपणे सहभाग घेतला होता. इयत्ता पहिली ते तिसरीच्या मुलांनी पेनस्टॅंड , चौथी व पाचवीच्या विद्यार्थ्यांनी फुलदाणी तर सहावी ,सातवी व आठवीच्या विद्यार्थ्यांनी रिकाम्या डब्यापासून कटलरी स्टॅंड तयार केले. आशा प्रकारे विद्यार्थ्यांनी टाकाऊ वस्तूं पासून सुंदर व आकर्षक वस्तू तयार केल्या. विद्यार्थी या कार्यशाळेत भारावून गेले होते. त्यांच्या चेहऱ्यावरील आनंद ओसंडून वाहत होता. या कार्यशाळेला दिपक फाउंडेशनच्या सुपरवायझर रोहिणी भगत ,अक्षता खांडेकर ,समिया धनसे व केंद्रप्रमुख दीपक पाबरेकर शिक्षक वृंद मनिषा पाबरेकर , सुरेश तवर , श्रीम्.फारुखी उपस्थित होते...
शाळेचे मुख्याध्यापक गणेश बिरवाडकर यांनी मुलांचे कौतुक केले तर शाळेच्या सहशिक्षिका मनिषा पाबरेकर यांनी उपस्थितांचे स्वागत केले व सुरेश तवर सर यांनी उपस्थितांचे आभार मानले...