पुगांव - रोहा (नंदकुमार कळमकर)
मुंबई-गोवा हायवेवरून कोलाड हायस्कूलकडे जाणाऱ्या रस्त्याची अवस्था अतिशय दयनीय झाली असुन या रस्त्यानी जाणाऱ्या विद्यार्थी,तसेच नागरिकांच्या जिवाला धोका निर्माण झाला आहे...या मार्गानी टूव्हीलर वरून जाणारा ज्युनिअर कॉलेज मधील विद्यार्थी या रस्त्याला असणाऱ्या खड्डयात पडला परंतु सुदैवाने तो किरकोळ जखमी झाल्याने बचावला...
या रस्त्यावर प्राथमिक मराठी शाळा, कै.द.ग.तटकरे माध्यमिक व ज्युनिअर कॉलेज,तसेच आजूबाजूला असणारी वस्ती असुन याच मार्गानी धाटाव औद्योगिक क्षेत्रात काम करणारे असंख्य गावातील कामगार,विद्यार्थी व रहिवाशी नागरिक या मार्गाने प्रवास करीत असतात परंतु रस्त्यावर असणारी पाईप लाईन तुटून या रस्त्यावर पाणी साचले आहे.यामुळे रस्त्याला खड्डे पडले आहेत या खड्ड्यात पाणी साचल्यामुळे रस्त्यात असणारा खड्डा दिसत नाही यामुळे मोठा अपघात होण्याची शक्यता निर्माण झाली असुन या रस्त्यानी प्रवास करणे धोक्याचे आहे...
हा रस्ता टाटा पॉवर मालकीचा असुन येथून रेल्वे लाईन सुरु होती...नंतर येथे प्राथमिक शाळा तसेच कोलाड हायस्कूल व जुनिअर कॉलेज झाल्यानंतर हा रस्ता बनविण्यात आला.परंतु कोण रस्त्याचे काम करतो तर कोण हाच रस्ता खोदून पाण्याची पाईप लाईन टाकत आहे तर कोण रस्ता खोदून केबल लाईन टाकत आहे...हे फक्त जणू ठेक्यासाठी चालले आहे...याचा नाहक त्रास या रस्त्यावरून जाणाऱ्या विद्यार्थ्यांसह नागरिकांना भोगावा लागत असुन यामुळे या रस्त्याचे काम लवकरच लवकर केले जावे अन्यथा एखाद्या नागरिकला मोठा अपघात झाला तर होणाऱ्या परिणामाला सामोरे जावे अशी संतप्त प्रतिक्रिया एका पक्षाचा नेतृत्व करणाऱ्या सामाजिक कार्यकर्त्यांनी व्यक्त केला आहे...