वडवली येथे ‘श्री शिवरदेव आळी सभागृह’चा राजाभाऊ ठाकूर यांच्या अमूल्य हसतेनी भव्य लोकार्पण सोहळा संपन्न.
रायगड :- (नरेश पाटील): येथील बोर्ली पंचतनलगत असलेल्या वडवली गावात ‘श्री शिवरदेव आळी सभागृह’चा भव्य लोकार्पण सोहळा गुरुवार, दि. १६ जानेवारी २०२६ रोजी संध्याकाळी मोठ्या उत्साहात पार पडला. मकरसंक्रांतीच्या पावन पर्वकाळात या सभागृहाचे लोकार्पण रायगड जिल्ह्यातील काँग्रेस पक्षाचे लोकप्रिय नेते, उपाध्यक्ष व कार्याध्यक्ष श्री. राजाभाऊ ठाकूर यांच्या शुभहस्ते करण्यात आले...
राजाभाऊ ठाकूर यांचे मूळ नाव राजेंद्र मधुकर ठाकूर असून ते दिवंगत काँग्रेसचे माजी आमदार स्व. मधुकर शंकरराव ठाकूर यांचे सुपुत्र आहेत... या ऐतिहासिक प्रसंगी वडवली गावातील नागरिकांनी मोठ्या संख्येने उपस्थित राहून राजाभाऊ ठाकूर यांचे जंगी व आपुलकीचे स्वागत केले... गावाच्या प्रवेशद्वारावर फटाक्यांची आतषबाजी व पारंपरिक ‘काळू बाजा’च्या निनादात वातावरण उत्साहाने भारून गेले...
श्रीवर्धन विधानसभा मतदारसंघातील रोहा, तळा, माणगाव, म्हसळा व श्रीवर्धन तालुक्यातील असंख्य कार्यकर्ते, समर्थक व हितचिंतक या सोहळ्यासाठी मोठ्या संख्येने उपस्थित होते... राजाभाऊ ठाकूर यांची भव्य पायी मिरवणूक गावातून काढण्यात आली... संपूर्ण वडवली गाव रंगीबेरंगी सजावटीने नटले होते... रस्त्यांच्या दुतर्फा रांगेत उभ्या असलेल्या महिलांनी, विशेषतः एकसारख्या गुलाबी साड्यांतील महिलांनी, या स्वागताला वेगळीच शोभा दिली...
सभागृहाच्या ठिकाणी पोहोचल्यानंतर राजाभाऊ ठाकूर यांनी गावातील ज्येष्ठ नागरिकांच्या हस्ते श्रीफळ फोडून उद्घाटन फलकाचे अनावरण केले व सभागृह समाजाला अर्पण केले... यावेळी फटाक्यांची आतषबाजी व उपस्थितांचा प्रचंड टाळ्यांचा कडकडाट झाला... त्यानंतर त्यांच्या शुभहस्ते फीत कापून सभागृहाचे औपचारिक लोकार्पण करण्यात आले... यावेळी राजाभाऊ ठाकूर यांचे पत्नी सौ. ठाकूर व भगिनी हेमा ताई उपस्थित होत्या...
राजाभाऊ ठाकूर यांनी सभागृहाची पाहणी केली. उल्लेखनीय बाब म्हणजे, हे सभागृह स्व. माजी आमदार श्री. मधुकर एस. ठाकूर यांच्या स्मरणार्थ राजाभाऊ ठाकूर यांनी स्वतःच्या निधीतून उभारले आहे... कार्यक्रमानंतर सभागृहा बाहेर छायाचित्रणाचा कार्यक्रम पार पडला...
या सोहळ्यास अतुल चौगुले (अध्यक्ष, श्रीवर्धन नगर परिषद), नंदू शिर्के (दक्षिण रायगड जिल्हाध्यक्ष, शिवसेना उद्धव बाळासाहेब ठाकरे), विलास सुर्वे (अध्यक्ष, माणगाव तालुका काँग्रेस), शरद भोसले (अध्यक्ष, तळा तालुका काँग्रेस), इम्तियाज कोकाटे (उपाध्यक्ष, श्रीवर्धन तालुका काँग्रेस), अब्रार काळोखे (कोषाध्यक्ष), गणपत गमरे (सचिव), मुजम्मील चोगले (शहराध्यक्ष, श्रीवर्धन), दिनेश खैरे (तालुका निवडणूक समिती सदस्य), सौ. संघवी पेडणेकर (कार्यकर्त्या), सौ. भारती विलास सुर्वे (सामाजिक कार्यकर्त्या), महेश जाधव (सचिव, माणगाव तालुका काँग्रेस) तसेच मंदिप सपकाळ (अध्यक्ष, पर्यावरण सेल) यांची प्रमुख उपस्थिती होती...
त्यानंतर श्री शिवरदेव आळी लोकार्पण सोहळा समितीच्या वतीने श्री. व सौ. राजाभाऊ ठाकूर यांचा भव्य सत्कार करण्यात आला... राजाभाऊ ठाकूर यांना मानाचे सन्मान चिन्ह, श्रीफळ, शाल व पुष्पगुच्छ देऊन गौरविण्यात आले... सत्कारापूर्वी सूत्रसंचालक सचिन नाक्ते यांनी सन्मान चिन्हावर कोरलेल्या गौरवपूर्ण ओळी वाचून दाखवल्या...
यानंतर उपस्थित मान्यवरांचाही सत्कार करण्यात आला. याप्रसंगी सौ. ठाकूर यांनी उपस्थितांना शुभेच्छा देत प्रेमळ आमंत्रण व उत्कृष्ट सत्काराबद्दल कृतज्ञता व्यक्त केली... त्यानंतर राजाभाऊ ठाकूर यांनी आपल्या भाषणात सर्व उपस्थितांचे स्वागत केले व गेल्या वर्षी प्रथमच एकत्र येताना जनतेकडून मिळालेल्या प्रेमाची आठवण करून दिली... त्यांनी आपल्या दिवंगत वडिलांचा, स्व. मधुकर ठाकूर यांचा उल्लेख करत जनतेशी असलेले त्यांचे आत्मीय नाते अधोरेखित केले...
जिल्ह्यात लागू झालेल्या आचारसंहितेच्या पार्श्वभूमीवर कार्यक्रम समितीला देण्यात आलेल्या नोटीशीबाबत त्यांनी तीव्र नाराजी व्यक्त केली... हा कार्यक्रम पूर्णतः धार्मिक व सामाजिक स्वरूपाचा असून कोणताही राजकीय हेतू नसल्याचे त्यांनी स्पष्ट केले... सभागृह उभारणीसाठी कोणताही शासकीय निधी न वापरता स्वतःच्या स्मृतिदानातून हे कार्य झाल्याचे त्यांनी सांगितले... विविध धर्मांचे नागरिक मोठ्या संख्येने उपस्थित असल्याचे नमूद करत धार्मिक कार्यक्रमांमध्ये राजकारण आणू नये, असेही त्यांनी ठाम मत व्यक्त केले...
या लोकार्पण सोहळ्याच्या अनुषंगाने शिवरदेव आळी, वडवली आयोजित वार्षिक ३१ वा महोत्सवही मोठ्या भक्तिभावाने व उत्साहात साजरा करण्यात आला... या महोत्सवाच्या यशस्वी आयोजनासाठी शिवरदेव आळीच्या पदाधिकारी मंडळींनी विशेष परिश्रम घेतले... आयोजन समितीत अध्यक्ष गणेश नाकती, उपाध्यक्ष महेश नाकती व संदीप बिराडी, कार्याध्यक्ष हरू नाकती, सचिव निवास गाणेकर, सहसचिव मंगेश पेरवे व विजेश नाकती, खजिनदार बबन बिराडी यांचा समावेश होता... तसेच आळीतील ज्येष्ठ सदस्य दामू कांबळे, बबन कांबळे, डॉ. सुभाष चौलकर, संदेश बिराडी, मुकेश पेरवे, जयवंत कांबळे, दामू चाळके, संतोष बिराडी, संतोष भायदे, मिलिंद कांबळे, अशोक नाकती, संतोष कांबळे, महिला मंडळाच्या पदाधिकारी व सर्व समाजबांधवांनी मोठ्या संख्येने उपस्थित राहून महोत्सव व लोकार्पण सोहळ्याची शोभा वाढवली...