माणगाव प्रतिनिधी सिकंदर आंबोणकर
माणगाव तालुक्यात गोवंश हत्येचे प्रकार वारंवार घडत आहेत... सरकारद्वारे कठोरातील कठोर निर्बंध जाहीर केले असताना सुद्धा तालुक्यात किंवा रायगड जिल्ह्यात होणार्‍या गोवंश प्राण्यांची कत्तलीमुळे बजरंग दल गोरेगांव-लोणेरे विभागातील संघटना खूप आक्रमक असल्याचे दिसून येते...
दि.२४ नोव्हेंबर २०२३ रोजी रात्री ९:३० सुमारास बजरंग दलाचे कार्यकर्ते गोरक्षा प्रमुख आदित्य रमेश गोरेगांवकर यांना त्यांच्या कार्यकर्त्यांन कडून माहिती मिळाली की महाड कडून मुंबई दिशेकडे जाणाऱ्या वाहन क्रमांक एम. एच.०३/ डि. व्ही./५५१३ या वाहनांमध्ये १२ गोवंश जातीचे जनावरे कत्तली च्या उद्देशाने घेऊन जात आहेत...
सदर माहिती मिळताच कोणताही विलंब न करता त्यांनी लोणेरे नाक्यापासून ते अगदी नागोठणे पर्यंत त्यांच्या गोरक्षा समितीचे कार्यकर्त्यांची फळी उभी केली.परंतु वाहन चालकला या गोष्टीचा सुगावा लागला आणि त्याने त्याचे वाहन लोणेरे नाक्यावरून गोरेगांवच्या दिशेने वळवले.सदर बाब लक्षात येता गोरक्षा प्रमुख आदित्य रमेश गोरेगांवकर यांनी आपल्या जिवाची कसलीही परवा न करता त्या वाहनाचे,आपल्या दुचाकीच्या सहाय्याने पाठलाग केले व बजरंग दल अध्यक्ष विशाल रामचंद्र भुसकूटे यांना सूचित केले...
बजरंग दल अध्यक्ष विशाल रामचंद्र भुसकूटे आणि बजरंग दल कार्यकर्ते आनंद राजभर यांना संबंधित माहिती मिळताच त्यांनी वाहन पकडण्यासाठी चिंचवली फाट्यावर सापळा रचला.परंतु ते वाहन त्यांच्या हातातून निसटले व पुढे जाऊ लागले. इतक्यात मागून पाठलाग करित असलेले गोरक्षा प्रमुख आदित्य रमेश गोरेगांवकर यांनी त्या वाहनाला ओवरटेक करून थांबविण्याचा प्रयत्न केले असता वाहन चालकाने त्याच्या ताब्यातील वाहन दुचाकीवर स्वार असलेले गोरक्षा प्रमुख आदित्य रमेश गोरेगांवकर यांच्या अंगावर घातले व सुदैवाने त्यांनी वेळेत आपली दुचाकी बाजूला करून आपला बचाव केला आणि पुढे ते वाहन दुप्पट गतीने पळू लागले...
परंतु त्या वाहानाचा पाठलाग करायचा कार्यकर्त्यांनी सोडला नाही.सदरची बाब पत्रकार प्रसाद रमेश गोरेगांवकर यांना समजली असता त्यांनी आपल्या ताब्यातील ४ चाकी वाहन त्याच वेगाने पळवत गोवंश जनावरे घेऊन जाणार्‍या वाहनाला खामगाव घाटा मध्ये गाठले. वाहनापासून काही अंतरावर दुचाकीच्या सहाय्याने चालत असलेले बजरंग दल अध्यक्ष विशाल भुस्कुटे व कार्यकर्ते आनंद राजभर हे देखील त्या वाहानाचा मागावर होते...
म्हसळा पोलीस दलाला संबंधित वाहनाची माहिती दिली असता, कोणताही विलंब न करता त्यांनी साई चेक पोस्ट वर सहाय्यक पोलीस निरीक्षक संदीप सोनावणे यांच्या मार्गदर्शनाखाली नाका बंदी करुन वाहन आपल्या ताब्यात घेतले पोलीस दलाने दोन मुख्यआरोपी,चालक आणि क्लीनर यांना अटक करण्यात आली....
आरोपी मोबील अब्दुल हसन शेख (३०) रा. कुर्ला इतेफार चाळ नं. २, रामू गणू मार्ग,कुर्ला ईस्ट मुंबई ७०,आरोपी मिरज अहमद कुरेशी रा. हरी मस्जिद दादमियाॅ, चाळ नं. ५ मुंबई ईस्ट १३३/२०२३ भा. द. वि. कलम ३७९, ३५३ सह महाराष्ट्र प्राणी रक्षण अधिनियम १९७६ चे कलम ५ (अ),९, प्राण्यांना क्रूरपणे वागविण्यास प्रतिबंधक अधिनियम १९६० चे कलम ११ (घ), महाराष्ट्र पोलीस अधिनियम १९५१ चे कलम ११९ अन्वये त्यांच्या ताब्यातील एम. एच. ०३/ डि. व्ही./ ५५१३ वाहनामध्ये गोवंश जातीचे एकूण १२ जनावरे त्यांना खाण्यास चारा पाणी न ठेवता कत्तलीसाठी,दाटीवाटीने कोंबून वाहतुक केल्या प्रकरणी गुन्हे दाखल केला असून पुढिल तपास सहाय्यक पोलीस निरीक्षक संदीप सोनावणे,उपविभागीय पोलीस अधिकारी पी. आर.स्वामी यांच्या मार्गदर्शनाखाली करीत आहेत...