उरण दि ११/१०/२०२३ प्रतिनिधी(विठ्ठल ममताबादे)
अगरवाल कंपनी आवारात ९ फुट लांब, १८ किलो वजनाचा अजगर सर्पमित्र राजेश पाटीलानी केला अजगराचा रेस्क्यू
उरण तालुक्यातील चिरनेर येथील खारपाटील वेअर हाऊस मधील भोमालगत असलेल्या अगरवाल कंपनीच्या आवारात नऊ फुटाचा तसेच १८ किलो वजनाचा अजगर आढळून आला असता तेथील कर्मचाऱ्यांनी फ्रेंड्स ऑफ नेचर (फॉन) संस्थेच्या हेल्पलाईन वर कॉल केला असता संस्थेचे सर्पमित्र राजेश पाटील हे सदर ठिकाणी जाऊन त्या अजगराचा रेस्क्यू केला.त्यासोबत तिथे उपस्थित असलेल्या कामगारांना सापाची माहिती दिली...दिवसेंदिवस कमी होत चाललेली जंगले व त्यामुळे धोक्यात आलेले वन्यजीव नागरी वस्तीत दिसू लागले आहेत...असा कुठला जीव आपल्या घरपरिसरात दिसला तर त्याला न मारता संस्थेच्या हेल्पलाईन वर कॉल करून त्याला वाचविण्याचा प्रयत्न करा असे आवाहन राजेश पाटील यांनी केले...
